Biblioteca Vilar Ponte

 Bo día a todas e todos! Hoxe vimos contarvos o que fixemos o venres pasado, en colaboración co equipo de Dinamización da Lingua Galega para celebrar o 17 de maio, Día das Letras Galegas . Ao longo da mañá, o alumnado e algúns profes tiveron que completar o mural que deseñou Sara dende Dinamización, e viñeron por grupos con moita ilusión a aportar o seu graniño de area, cada un cun adhesivo para formar o mural. Este adhesivo, colocado nas súas mesas previamente, ía acompañado das instrucións de como utilizalo e duns versos de diferentes coplas tradicionais que algúns se animaron a recitar a viva voz. Ademáis deste mural tan chulo formado por todos e cada un dos alumnos e alumnas que forman parte do centro, parte do equipo de biblio, de Dinamización e ata a conserxe María, moi ben rodeadas dun grupo de alumnas, honramos á música e á tradición oral que se celebra neste día facendo de cantareiras durante o recreo, cantando temas tan coñecidos como Catro vellos mariñeiros . Foi un día...

 Bo día a todxs! Esta semana foi moi esperada e especial. Na sala multiusos do Concello de Viveiro montamos a exposición anual da Microrrede de Bibliotecas Escolares da Mariña. Neste espazo, ademáis de diversas maquetas e xogos de dez centros que integran a Microrrede, outros sete, entre os que se atopaba o noso grupiño do IES Vilar Ponte, levaron a cabo representacións teatrais. Da presentación do evento, o martes 13, encargouse tamén a responsable da Biblioteca do IES Vilar Ponte, Xiana, nunha celebración do teatro, da lectura e da creatividade na que estivemos acompañadxs por Carlos Labraña, dramaturgo moi recoñecido en Galicia. Na súa 14ª edición, esta iniciativa da Microrrede continúa a poñer en valor o poder transformador das artes escénicas. O grupo de voluntarios de biblio do IES Vilar Ponte que sacou adiante a obra representada, titulada Os Activados,  deixou o nivel ben alto a pesares dos nervios. Foi unha experiencia moi interesante e divertida que se repetirá no no...

 Bo día a todas e todos! Este mércores 23 de abril celebrouse o Día do Libro e quixemos facer dende a biblioteca unha actividade un pouquiño creativa. Tratábase de que os rapaces de diferentes cursos (neste caso participaron parte de 1ºESO, parte de 2ºESO e parte de 3ºESO) fixesen recomendacións lectoras a través de debuxar as portadas deses libros. Os menos dados á creatividade preferiron facer recomendacións escritas. O resultado estivo toda esta semana decorando o corredor principal do centro. Xulgade vos mesm@s!

 Bo día a todas e todos! Hoxe traémosvos As pegadas en pedra: o Románico e o Camiño, unha exposición resultado da viaxe ao pasado a través da arte, a cultura e a espiritualidade no medievo que fixo o alumnado de 2º ESO. Durante varias semanas, o alumnado traballaou arreo para elaborar  maquetas de igrexas do románico, carteis, diarios de peregrinaxe e folletos sobre as diferentes etapas do Camiño . Con estes traballos, non só aprenderon a identificar os principais elementos do  estilo románico , senón tamén coñecer a  tradición xacobea , símbolos, tradición e impacto cultural.  Convidámosvos a visitar esta viaxe no tempo , dispoñible no corredor da entrada do Pastor Díaz e na Biblioteca do Vilar Ponte.

 Bo día a todas e todos! Vimos a contarvos un pouquiño como transcurriu a xornada do pasado 20 de marzo: Encontros Plambe no Palacio de Congresos e Exposicións de Galicia, en Santiago de Compostela, un día importante por ser o 20 aniversario do Plambe. Asistimos a unha primeira charla interesantísima levada a cabo por Rosa Tabernero, quen nos fixo reflexionar sobre como afecta todo o dixital ao lector, como a combinación de lectura en formato dixital e as distintas experiencias dixitais diarias (como as redes sociais e os xogos virtuais) impiden a formación de procesos cognitivos máis lentos (como é o caso do pensamento crítico, a reflexión persoal, a imaxinación ou a empatía) que conforman a lectura profunda. Actualmente, obsérvase que cantos más dispositivos dixitais ao dispor, máis forte é a tendencia decrecente de lectura e de comprensión lectora no alumnado. E non só do alumnado, nós mesmos tamén podemos ver  nas nosas carnes os efectos na disminución da nosa atención con...

 Ola a todas e todos! Este venres 28 celebramos a festa de entroido no centro. Xa estivemos toda a semana traballando co equipo de normalización para cumplir coas ordes da meca Naseira, que lle deu moita cor e tolemia ao alumnado e profesorado.  Para rematar unha semana moi divertida, fixemos un concurso de disfraces por grupos, na que participaron con bailes e shows tódolos cursos de 1º a 4º da ESO, e que foron xulgados por un xurado experto na materia (do que formaba parte a nosa meca Naseira, por suposto). Tamén, para finalizar, alumnos de bacharelato se animaron a facer unha aparición estelar de baile e de percusión! Aquí vos deixamos algunhas imaxes para que vos fagades unha idea do ben que o fixeron os rapaces e rapazas!