Biblioteca Vilar Ponte

 

 

 

  Ao longo desta semana, na Biblioteca do IES Vilar Ponche ofrecemos un obradoiro de origami no que faremos grúas para conmemorar o 30 de xaneiro Día Escolar da Non Violencia e da Paz. Se te animas a participar achégate pola biblioteca durante o segundo tempo de lecer e constrúe grúas pola paz!

A pintora Maruja Mallo nacía o 5 de xaneiro de 1902 en Viveiro. Maruja sentiu desde pequena paixón pola arte que o seu pai axudou a desenvolver permitíndolle estudar en distintas escolas artísticas ata que, cando a familia trasladouse a Madrid, empezou a estudar na Real Academia de Belas Artes de San Fernando. Alí coñeceu a algúns dos grandes xenios da súa época como Dalí, Buñuel ou García Lorca.  Na década dos 20 empezou a colaborar en distintas publicacións literarias e deseñou a portada de varios libros. En 1928 organizouse nos salóns da Revista de Occidente a primeira exposición coa súa obra. Desde entón, os seus magníficos cadros cheos de luz e de vida convertéronse en parte da vangarda artística.  En 1932 marchouse a París grazas a unha bolsa da Xunta de Ampliación de Estudos onde continuou perfeccionando a súa arte e entrando en contacto co máis selecto do surrealismo francés. Ese mesmo ano expoñía na Galería Pierre. Mallo traballou con Alberti, Miguel Hernández e outr...

 

  Xa é Noiteboa! Nesta cuarta entrega da serie de Tonya Hurley, Charlotte Usher terá ocasión de valorar a súa propia vida... aínda que sexa no Máis alá. Este exemplar de Gohstgirl está á vosa disposición na biblioteca, non dubidedes en solicitalo! #bescolaresgal   #bescolaresgalabertas   #plambe   #calendarioadvento   #calendarioadvientoliterario

  A primeira tarde despois de Nadal, Marta e Nacho reciben unha sorpresa: irán a casa da tía Melinda, á que nunca viron. Marta sabe que ela garda un gran secreto, pois, oculta tras o sofá, escoitou unha estraña conversación entre a súa avoa e a súa nai, e quere descubrilo. Cando chegan a casa de Melinda, os reloxos paran e a aventura comeza: desexos que se cumpren, portas misteriosas, personaxes fantásticos e unha chave. Se queredes saber como continua, esta obra de Marta Rivera de la Cruz está dispoñible na nosa biblio: solicítaa! #bescolaresgal   #bescolaresgalabertas   #plambe   #calendarioadvento   #calendarioadvientoliterario

 Mensaxe especial da cafetaría! A nosa querida Marlén declárase lectora fiel de Almudena Grandes. El corazón helado traza un panorama emocionante da historia recente de España, e tamén do conflito coa memoria das novas xeracións. Álvaro e Raquelestán condenados a atoparse porque as súas respectivas historias familiares (que son tamén a historia de moitas familias en España, desde a Guerra Civil ata a Transición) forman parte de si mesmos e explican as súas orixes, o seu presente. Tamén porque, sen sabelo, sentirán atraídos sen remedio. #bescolaresgal #bescolaresgalabertas #plambe #calendarioadvento #calendarioadvientoliterario

  Colmillo blanco é unha novela do escritor estadounidense Jack London. A historia transcorre no Territorio do Yukón (Canadá), durante a febre do ouro de Klondike, a finais do século XIX. Narra o camiño cara á domesticación dun can lobo salvaxe. Se vos gustan os animais, non dubidedes en solicitar un exemplar na biblioteca! Tamén podedes consultar a adaptación ao cine na web de RTVE. #bescolaresgal   #bescolaresgalabertas   #plambe   #calendarioadvento   #calendarioadvientoliterario

  Desde 3º da ESO recoméndannos esta novela de Lucy Maud Montgomery. Adaptada ao cine, á televisión, ao anime e mesmo ao musical, Ana de las tejas verdes é un canto á importancia da familia, a amizade e os soños. Foi a obra que serviu de inspiración para Anne with an E, serie dispoñible en Netflix. #bescolaresgal #bescolaresgalabertas #plambe #calendarioadviento #calendarioadvientoliterario

  Entre Samaín e Nadal, nada mellor que Pesadilla antes de Navidad. Esta obra de Daphne Skinner adapta a película homónima dirixida por Tim Burton, que seguro xa coñecedes. Nela, Jack Skellington sente a necesidade de descubrir outros mundos máis alá do Samaín, onde é o rei. Xa está dispoñible para solicitar na biblioteca, non o perdades! #bescolaresgal   #bescolaresgalabertas   #plambe   #calendarioadviento   #calendarioadvientoliterario   #timburton   #jackskellington   #disney

  Desta volta tócalle ao departamento de Francés. As nosas compañeiras consideran Les Misérables un clásico indispensable para calquer época do ano. Victor Hugo formula nesta novela un debate sobre o ben e o mal, a política, a ética, a lei, a xustiza e a relixión, tendo como telón de fondo o París de 1832. #bescolaresgal   #bescolaresgalabertas   #plambe   #calendarioadviento   #calendarioadvientoliterario   #lesmiserables   #victorhugo   #frances

  A entrada de hoxe é especial, pois é unha recomendación do alumnado. Desde 1º de Bacharelato chéganos Las alas de Sophie, unha novela de Alice Kellen na que descubrimos que os comezos despois dun adeus son posibles. Se queredes coñecer esta historia, solicitade un exemplar na biblioteca! #bescolaresgal #bescolaresgalabertas #plambe #calendarioadviento #calendarioadvientoliterario #alicekellen

  David Copperfield é a oitava novela do autor Charles Dickens, a terceira neste calendario de advento. Trátase dunha novela de aprendizaxe, concepto co que moitos/as de vós xa estades familiarizados/as. O protagonista cóntanos as súas aventuras e como foron axudándolle a medrar como persoa. #bescolaresgal   #bescolaresgalabertas   #plambe   #calendarioadviento   #calendarioadvientoliterario   #davidcopperfield   #charlesdickens

  Cuentos de Navidad, de María Dolores Cortey, é unha seleción de relatos natalicios feita pola autora. Moi recomendable para esta época do ano, non dubidedes en botarlle un ollo! #bescolaresgal #bescolaresgalabertas #plambe #calendarioadviento #calendarioadvientoliterario

  Oliver Twist é unha novela de Charles Dickens. É a historia da loita por progresar na vida e das ansias por atopar un sitio na sociedade, pois o noso protagonista é orfo na Inglaterra victoriana. Se queredes coñecelo mellor, solicitade un exemplar na biblio! #bescolaresgal   #bescolaresgalabertas   #plambe   #calendarioadviento   #calendarioadvientoliterario

  Mensaxe especial do departamento de Lingua Galega. Vanesa recoméndanos Senlleiras, de Antía Yáñez, unha novela das mulleres que rachan co silencio, mulleres únicas que merecen ser recordadas. Queredes saber que teñen en común a historia de varias mulleres de diferentes séculos? Solicitade un exemplar na biblio e desfrutade da lectura! #bescolaresgal   #bescolaresgalabertas   #plambe   #dinamizaciónlingüística   #calendarioadviento   #calendarioadvientoliterario   #literaturagalega   #literaturagalegacontemporánea

  Las Crónicas de Narnia: El león la bruja y el armario é a segunda entrega da saga de libros escritos por C.S. Lewis. Nel vivimos as aventuras de Lucy, Edmund, Susan e Peter, catro irmáns que chegan ao reino de Narnia a través da porta dun armario máxico. Queredes descubrir máis? Achegádevos a solicitar o libro ou a adaptación ao cine! #bescolaresgal   #bescolaresgalabertas   #plambe   #calendarioadviento   #calendarioadvientoliterario   #narnia   #disney

  Charlie e a fábrica de chocolate é unha novela escrita polo autor inglés Roald Dahl. Cóntanos a historia de Charlie Bucket e como cambiou a súa vida tras coñecer a Willy Wonka. Xa a lichedes? Ao mellor víchedes a película. Ademais, o pasado 6 de decembro estreouse en cines Wonka, filme protagonizado por Timothée Chalamet, Hugh Grant e Rowan Atkinson, entre outros. #bescolaresgal #bescolaresgalabertas #plambe #calendarioadviento #calendarioadvientoliterario #wonka #charlieylafabricadechocolate