Entradas

Mostrando entradas de 2021

TRADICIÓNS DE NADAL

Imagen
Non podemos pechar o trimestre e o ano sen mostrarvos os tradicionais traballos que se fan no noso centro por estas datas. Por unha parte, o Departamento de Relixión organiza un concurso de postais, que se atopan expostas na entrada do edificio 2. Por outra banda, xunto co departamento de Francés, elaboramos os nosos adornos reciclados, que tamén espuxemos. Esperamos que o ano que ven podamos facer con eles o que fixemos ata a chegada da pandemia: vendelos no mercadiño organizado pola residencia de anciáns Domus Vi, en Viveiro, para poder mercar agasallos de Nadal para as familias máis desfavorecidas.

MOCHILAS QUE VIAXAN EN NADAL

Imagen
Nós non seremos os únicos que marchamos de vacacións. Hoxe tamén marcharon as nosas mochilas, que pasarán o Nadal nas casa destes catro aventureiros lectores!!!

INVESTIGACIÓNS CHULAS

Imagen
As primeiras alumnas colaboradoras van chegando con forza á biblio. Desta volta, as que acoden a clase de literatura universal decidiron agasallarnos coa mostra dunha das súas investigacións. Con material e recursos da biblio, e coa axuda da súa superprofe Manuela Salgado, do departamento de Lingua Castelá, elaboraron unha rigurosa investigación sobre a escrita mesopotámica que plasmaron perfectamente nunhas inscripcións en táboas de arxila. Un marabilloso traballo que chamou a atención de todos e todas.

NADAL NA BIBLIO

Imagen
A que xa cheira a Nadal? A que as vosas casas xa empezan a encherse de luces, grilandas e demais adornos da época, a que no súper xa hai moito que vemos turróns e outros moitos doces? Pois a biblio Vilar Ponte non vai ser menos, e, coa inestimable axuda do alumnado colaborador, que ten validada a hora de música e pasa moitas horas con nós, nos dispuxemos a engalanar a entrada do noso santuario. Iso si, empregando libros. Sin querer esta foi tamén unha actividade de promoción do material da biblioteca e de fomento da lectura porque, a costa de mergullarse nos andeis á busca de libros que esteticamente cumprisen uns obxectivos, atopastes cousiñas que vos chamaron a atención e que levastes para ler nas vacacións.. Nunca tantos préstamos fixeramos fóra do recreo!!!!

25 N Día internacional da eliminación da violencia contra a muller

Imagen
Neste día tan importante, cunha reivindicación tan necesaria, levamos a cabo dende a nosa biblioteca dúas actividades co alumnado de 3º e 4º da ESO. Nun primeiro lugar, quixemos incidir na visualización dos micromachismos como unha manifestación desa violencia que queremos eliminar. A través da proxección de curtas durante as horas de titoría, reflexionamos sobre o tema e elaboramos uns "bocadillos" nos que quixemos plasmar algunhas das frases micromachistas que escoitamos a diario. Con estes bocadillos enchimos o corredor da planta baixa do edificio 1. Que mellor ocasión para inaugurar a canle de Spotify da biblio? Pois iso. Esas mesmas frases foron gravadas en audio polo alumnado, cos que publicamos o podcast inaugural da canle. Clica aquí para escoitalo porque... ¡¡¡A biblioteca escolar toma a palabra!!!

Novembro. Mes da ciencia en galego.

Imagen
Co gallo do mes da ciencia en galego, fixemos unha exposición nos corredores do edificio 1 en colaboración co Ceida. Trátase de 15 paneis con información en galego sobre o cambio climático que de seguro son de grande utilidade. O Ceida tamén trouxo unha maleta mariñeira, chea de títulos relacionados co mar e cos problemas que lle afectan. A maior parte deste material está en galego e forma parte dunha mostra de libros científicos en galego que se atopa na entrada da nosa biblioteca, na que podedes curiosear pero tamén levar cousiñas prestadas. Mergúllate na ciencia, e faino na nosa lingua!!!!

CARE SANTOS NO CENTRO

Imagen
A que non sabedes quen se pasou hoxe polas aulas de 3º e 4º da ESO? Nin máis nin menos que a magnífica Care Santos, que vee telematicamente falar co noso alumnado da xénese da súa obra mestra: Mentira . Todo o que aprendimos con ela e todas as preguntas que lle fixemos...

O SAMAÍN NO MUNDO

Imagen
Todos e todas nós coñecemos a forma de celebrar o día de Santos na cultura anglosaxona e na cultura celta. Ademais, grazas en parte ao cinema, en especial despois da estrea de Coco, tamén sabemos algo desta festa en México. Pero... e no resto do mundo? A rapazada de 2º da ESO tamén se fixo esta pregunta e, coa axuda de Xema, do departamento de Lingua galega, e empregando recursosvarios da biblio, inicio unha investigación para averigualo. Como non podía ser doutro xeito, quixemos deixar constancia dos noso descubrimentos nun vídeo. Así que dalle ao play e descúbreos, pois... a biblioteca escolar ten a palabra!!!!

MOCHILAS VIAXEIRAS

Imagen
Cantos anos facía que no instituto non viamos as mochilas vermellas viaxar? Pois.... uns cantos. Despois de meses dándolle á cachola, decidimos facer a proba, a ver que pasaba. Deseñamos cinco mochilas distintas, con distinto material (novela, libro divulgativo, libro para adultos, xogos de mesa para disfrutar en familia, cómic...) e de distinta temática (ciencia ficción, terror, ciencia, feminismo e historia). Nas sesións de formación para 1º e 2º da ESO vos informamos sobre a súa existencia e vos entregamos o consentimento para organizarnos e para saber cales vos apetencían máis e... voilá!!!!! Hoxe sae a primeira remesa de mochilas a viaxar!!!!

23 de Outubro. Día das bibliotecas.

Imagen
Durante esta semana levamos a cabo a formación de usuarios coa rapazada de 1º e 2º da ESO. Ademais de aprender a localizar títulos na biblioteca, estivemos escollendo libros para levar ás vosas bibliotecas de aula. Que mellor que elixir vós mesmos o que queredes ler!!!! Atopamos durante esta formación unha nova necesidade: marcar dalgún xeito os libros por xéneros, así que poñemos a traballar a cabeciña para dar cun sistema que nos vaia a todos e a todas. Tamén vos informamos dunha novidade deste curso que apunta ter boa acollida. Seguiremos informando.

18 DE OUTUBRO. DÍA DAS ESCRITORAS

Imagen
Este curso queremos comezar cunha pequena homenaxe ás nosas escritoras. Por iso os rapaces e rapazas do agrupamento de 2º de ESO levaron a cabo unha actividade de busca de información sobre a vida e obra de grandes autoras galegas como María Mariño ou Pura Vázquez, entre outras.Grazas ao departamento de lingua galega pola súa ímplicación na actividade e pola súa inestimable colaboración. O resultado desta investigación foi exposto nos corredores do instituto.

REMATANDO O CURSO 2020-2021

Sempre recordaremos o curso 2020-2021 como un curso con moitas normas e restriccións. Este foi o curso das mascarillas, dos xeles desinfectantes, dos aforos, dos grupos burbulla, dos espazos e recintos marcados, etc. Sen embargo, a pesar de todos os inconvintes, logramos levar a cabo distintas actividades que nos aportaron certa normalidade á toda a comunidade educativa. Deixamos aquí esta presentación como resumo das actividades realizadas e coa finalidade de rememorar o feito ao longo destes meses nos que superamos un difícil curso. Grazas a tod@s os que contribuiron e participaron!