Boas de novo!
Despois de tanto tempo ser aparecermos por aquí, qué mellor forma de retomar o contacto que contándovos as actividades que temos feito neste pasado mes de abril: o MES DO LIBRO.
Para comezar, un marabilloso grupo de rapazas e rapaces de 1º da ESO prepararon unha serie de contos que, de moi diversas formas, contaron ás nenas e nenos do cole San Roque. Houbo de todo: monicreques, kamishibai, representacións... Como disfrutamos, tantos nós, coma eles!!!!
Grazas ás rapazas e rapaces que participastes, pero tamén ás profes do cole San Roque pola súa disponibilidade, especialmente a Mercedes, e, sobre todo, ás nenas e nenos de 3 anos, que nos sorprenderon cun recital de poesía. Que marabillosas son as colaboracións entre centros, a convivencia interxeracional e A POESÍA!!!!!!!!
Días despois, e aproveitando que xa nos chegaron os datos dos novos usuarios ELBE, fixemos una sesión de formación para aprender a empregar esta fabulosa ferramenta e introducirnos na lectura dixital. Animádevos a entrar na plataforma!
Por último, para festexar o día do libro, o 23 de abril decidimos aproveitar o día de sol e saímos a ler, en boa compaña, con boas vistas e ao aire libre. Unha chea de praceres dos que disfrutar á vez! A poesía estaba no aire!
