Biblioteca Vilar Ponte

Cada 5 de outubro celébrase en todo o mundo o Día das e dos Docentes , unha data creada pola UNESCO e a OIT no ano 1994 para recoñecer o valor e a importancia do labor docente na sociedade. A escolla desta data conmemora a aprobación, en 1966, da Recomendación sobre a Situación do Persoal Docente , un documento que estableceu as bases dos dereitos, responsabilidades e condicións necesarias para garantir unha educación de calidade. Máis tarde, en 1997, aprobouse tamén a Recomendación sobre o Persoal Docente do Ensino Superior , que ampliou estes principios ao ámbito universitario e da investigación. Este día serve para render homenaxe a todas as persoas que se dedican ao ensino , que acompañan e inspiran xeración tras xeración, e que con esforzo e adicación contribúen a transformar o mundo a través da educación. É tamén unha ocasión para reflexionar sobre o papel do profesorado no presente e no futuro , sobre o apoio e os recursos que necesita para desenvolver plenamente a súa tarefa, e...

    En memoria de Jane Goodall Onte faleceu aos 91 anos Jane Goodall , unha das voces máis admiradas e influintes na defensa da natureza e dos animais. A súa vida foi un exemplo de paixón, constancia e compromiso co coñecemento e coa vida en todas as súas formas. Nacida en Londres en 1934, Jane Goodall chegou a Tanzania con apenas 26 anos, movida pola curiosidade e o amor polos animais. Sen formación académica formal en bioloxía naquel momento, iniciou un estudo pioneiro sobre os chimpancés do parque nacional de Gombe , que acabaría revolucionando a ciencia. Foi ela quen descubreu que os chimpancés son capaces de crear e empregar ferramentas, de organizar complexas relacións sociais e de manifestar emocións como o afecto, a dor ou a solidariedade . Estes descubrementos obrigaron a redefinir o concepto de humanidade e a recoñecer que as fronteiras entre as especies son moito máis difusas do que se pensaba. Ao longo da súa vida, Goodall combinou o traballo científico coa defens...

A biblioteca do IES Vilar Ponte volve poñerse en marcha un curso máis, con ilusión renovada e moitas ganas de encher este espazo de lecturas, encontros e novas propostas. Durante este curso, a biblioteca permanecerá aberta  tódolos recreos , para que poidades achegarvos cando queirades a ler, buscar información, consultar materiais, xogar a algún dos nosos xogos de mesa ou simplemente disfrutar dun tempo tranquilo. Estamos tamén a preparar os  clubs de lectura  deste curso 2024-2025. Se vos gusta ler e compartir opinións, é unha boa oportunidade para coñecer xente nova, descubrir libros interesantes e participar dun espazo de diálogo e reflexión arredor da lectura. Ademais, buscamos  voluntarios e voluntarias de biblioteca , estudantes con interese por colaborar na organización, nas actividades e na dinamización deste espazo. O voso apoio é fundamental para que a biblioteca siga sendo un lugar vivo, participativo e aberto a toda a comunidade educativa. Animámosvos a ...

 Bo día a todas e todos! Como xa sabedes, a semana pasada estivo ben cargadiña de actividades. O xoves, dende o equipo de biblioteca, preparamos unha xincana para todo o centro, na que participaron rapaces e rapazas dende 1º ata 4º da ESO.  O alumnado podía apuntar aos seus equipos para pasar as 12 probas coas que contaba esta xincana. Doce probas que estaban repartidas por todo o patio do centro, a cafetería, a biblioteca e algunha clase. A participación foi moi alta e houbo moitísima enerxía e risas por todas partes, especialmente nas carreiras de sacos! Sudouse moito, pero imos de vacacións xa liberadas e liberados de toda a tensión acumulada do curso. Ata a próxima!

 Bo día a todas e todos! Hoxe vimos contarvos un dos días especiais que tivemos esta semana pasada, que estivo adicado ao teatro. Como xa sabedes, o noso equipo de voluntarios de biblioteca preparou unha obriña de microteatro moi divertida que xa representaron no Concello de Viveiro na semana de Microrrede da Mariña, pero o resto do alumnado aínda non tivera a ocasión de vela! Así que programamos dúas sesións este pasado mércores, xunto co alumnado de 1º e 2º de ESO de Proxecto Competencial, que tamén levaba dende o segundo trimestre traballando nunha obra. Neste caso, tratábase dunha obra basada na vida de Mary Anning, unha pioneira na paleontoloxía que non recibiu o seu merecido recoñecemento durante a súa vida pero que, a día de hoxe, é unha das grandes referentes.  O alumnado encargouse de facer o decorado, o vestiario, o guión, a banda sonora... todo! Moito tempo e esforzo invertido que finalmente culminou neste día tan intenso. Noraboa a tódolos participantes! Dexámosvos...

 Bo día a todas e todos! Hoxe vimos contarvos o que fixemos o venres pasado, en colaboración co equipo de Dinamización da Lingua Galega para celebrar o 17 de maio, Día das Letras Galegas . Ao longo da mañá, o alumnado e algúns profes tiveron que completar o mural que deseñou Sara dende Dinamización, e viñeron por grupos con moita ilusión a aportar o seu graniño de area, cada un cun adhesivo para formar o mural. Este adhesivo, colocado nas súas mesas previamente, ía acompañado das instrucións de como utilizalo e duns versos de diferentes coplas tradicionais que algúns se animaron a recitar a viva voz. Ademáis deste mural tan chulo formado por todos e cada un dos alumnos e alumnas que forman parte do centro, parte do equipo de biblio, de Dinamización e ata a conserxe María, moi ben rodeadas dun grupo de alumnas, honramos á música e á tradición oral que se celebra neste día facendo de cantareiras durante o recreo, cantando temas tan coñecidos como Catro vellos mariñeiros . Foi un día...

 Bo día a todxs! Esta semana foi moi esperada e especial. Na sala multiusos do Concello de Viveiro montamos a exposición anual da Microrrede de Bibliotecas Escolares da Mariña. Neste espazo, ademáis de diversas maquetas e xogos de dez centros que integran a Microrrede, outros sete, entre os que se atopaba o noso grupiño do IES Vilar Ponte, levaron a cabo representacións teatrais. Da presentación do evento, o martes 13, encargouse tamén a responsable da Biblioteca do IES Vilar Ponte, Xiana, nunha celebración do teatro, da lectura e da creatividade na que estivemos acompañadxs por Carlos Labraña, dramaturgo moi recoñecido en Galicia. Na súa 14ª edición, esta iniciativa da Microrrede continúa a poñer en valor o poder transformador das artes escénicas. O grupo de voluntarios de biblio do IES Vilar Ponte que sacou adiante a obra representada, titulada Os Activados,  deixou o nivel ben alto a pesares dos nervios. Foi unha experiencia moi interesante e divertida que se repetirá no no...

 Bo día a todas e todos! Este mércores 23 de abril celebrouse o Día do Libro e quixemos facer dende a biblioteca unha actividade un pouquiño creativa. Tratábase de que os rapaces de diferentes cursos (neste caso participaron parte de 1ºESO, parte de 2ºESO e parte de 3ºESO) fixesen recomendacións lectoras a través de debuxar as portadas deses libros. Os menos dados á creatividade preferiron facer recomendacións escritas. O resultado estivo toda esta semana decorando o corredor principal do centro. Xulgade vos mesm@s!