Conto colaborativo na Microrrede da Mariña

 

Para a exposición da Microrrede, este ano, decidimos elaborar un conto colaborativo que foi rotando de centro en centro durante todo o curso. 

Cada centro debía realizar duas caras do conto, no que a modo de acordeón se irían unindo as páxinas e creando unha historia. 

O alumnado do noso centro, un dos últimos en recibir o conto, decidiu adaptar a obra ao seu entorno, xa que a recibimos unha semana antes de Semana Santa.  A obra presentaba moitos animais que se foron coñecendo ao longo da historia e como non ía ser menos, viaxaron a Viveiro para ver un dos nosos grandes atractivos culturais " A Semana Santa viveirense".  Así foi como comezou todo... os animais chegaron a viveiro e foron guiados por Ramón e Antón, os irmáns Vilar Ponte, guias turísticos que presentaban a posibilidade de facer un roteiro en 4 idiomas diferentes ( a través dos códigos QR).  Os irmáns Vilar Ponte, eran en sí mesmos, dous animais máis que se unían á historia en forma de figura de Regal e que brindaban ao resto de centros a oportunidade de coñecer un pouquiño máis sobre a nosa vila. 

Agardamos que vos gustara este conto, no que pasamos tantas horas traballando, axudándonos de  materiais reciclados, traballando con moitos departamentos á vez e con alumnado convalidado que puxo voz, música e arte en xeral en toda a obra. 

Grazas en especial a Marta, Nicolás, Carmen, Eva, Sabela, Noa e aos profesores Juanvi e Nuria.